No s.XII Galicia era o centro de Europa e Tui -equidistante entre Braga e Santiago- o centro de Galicia. Alí e entón naceu Bieito Dubidoso, un neno que ademais é mago. Con el e cos seus poderes de prestidixitación viviremos incribles aventuras. Era unha época de reis protectores das artes, máis dados ao amor e á lírica que ás guerras, mais a chegada dos vikingos ao contorno onde Bieito vive depararalle sorpresas, entre elas unha rapariga chamada Destreza.
